游嘉欣乌龙百出 煮嘢食分唔清糖同盐

etin

不谙厨艺的游嘉欣出于有份主持的无綫饮食节目充当“气氛担当”，闹出连串笑料，化身问题少女向另一主持李家鼎丧问刁钻问题，令对方被问到口哑哑，另方面却又分不清糖盐，帮手切材料时又被嫌手脚慢，挞虾胶时又被嫌唔够力，搞到李家鼎也不禁投降说：“真系怕咗你！”不过嘉欣否认节目中乌龙百出是节目效果，更笑言：“呢个系我真实演出，全部乌龙嘢系好突然发生嘅，煮嘢食嘅过程基本上唔会Cut，都系做番平时嘅自己，可能我都系比较多问题嘅一个人，所以好多时都会好好奇咁问问题，有时又会口快快讲错嘢！”
武术指导兼演员变身“教煮”的李家鼎，则透露伯乐高层曾励珍：“想当年曾励珍监制嘅处境剧《香港82》要拍一场食饭戏，点知道具餸出咗事，有人食完又屙又呕，嗰味系萝卜炒鱼松，佢话咁叻你煮吖，我咪煮啰，佢食完之后就记得，30年后拍咗个《男人食堂》，佢哋见我Talk得，叫我不如煮嘢食啦，咁就整咗个《阿爷厨房》出嚟。”被问到节目大受欢迎，令其人气急升，不过李家鼎却有另一番感受，他表示：“人情冷暖，世态炎凉。”