周秀娜心口开窿骚身材被嫌太瘦：条裙似大咗个码！

etin

性感女神周秀娜（Chrissie）当年凭32D骄人上围俘虏唔少宅男心，但近年佢愈嚟愈瘦，连“咪咪”都失踪埋，令唔少网民都好心痛！喺刚过去嘅第41届香港电影金像奖颁奖礼上，佢有份担任颁奖嘉宾，佢昨日（20日）喺社交网分享后台花絮照，身穿银色闪爆连身长裙嘅佢真空上阵，胸口前打斜开窿设计，非常性感，获网民大赞着乜都咁靓，不过有网民就认为佢嘅身材真系太瘦，留言“瘦到条裙似大咗个码”、“要食多啲嘢，唔好再瘦下去”等，觉得佢肥番啲会更靓女呀！