菊梓乔唔Like吴卓羲：佢喺我心中三甲不入

etin

出道7年的歌手菊梓乔（Hana），近日宣布5月20假九展举行第2度香港演唱会。由于今次开骚决定匆忙，仅两星期前才落实，她坦言要开始闭关做准备。Hana昨日（6日）傍晚现身柴湾拍摄演唱会海报。谈到早前开骚时耳机出意外导致受伤，她透露已完全康复，但坦言留下阴影：“有惊恐，上次怪自己唔够细心，应该要Check清楚先继续唱，系我唔啱当时冇叫停，今次会细心啲。（要求加大保险？）你哋提完今日后会谂吓。（点解拣520开骚？）香港4年冇开骚嘞，如果再唔开，惊歌迷话‘唔要你’嘞！”

当谈到今次演唱会嘉宾，她坦言：“歌单都未有，其实乜都未知。嘉宾要睇公司，好多规矩，我哋呢啲做细嘅。（请吴卓羲？）唔知道、唔讲得、唔好提，哈哈！（你邀请佢嚟支持。）咁我好多朋友都要邀请。（边个你最想邀请？）郑伊健啰，一直都好锺意佢，唱歌又好听，我哋呢啲忠粉，佢做咩都支持。（你唔系吴卓羲粉丝？）我锺意郑伊健，我都亲口同佢讲过，我去追星蒙晒面、戴晒口罩，你哋都认我唔到啦。”

Hana笑言除郑伊健外，自己亦喜欢王杰及谢霆锋，吴卓羲根本“三甲不入”，更自爆：“第一个睇嘅演唱会系王杰，但系出席商场活动举牌嘅系郑伊健。（咁请吴卓羲、伯母同家姐嚟睇骚？）要咁嘅咩？咁唔够喇，要开10场先得。”

谈到今次演唱会突破性演出，她打趣说：“想睇性感、跳舞？等我Mark低先，我都唔知自己底线去到边，试吓（性感）啰！（Bra Top、热裤？）可以乜都试吓，因为真系闷咗好耐。（你仲箍紧牙喎。）到时会拆，本来已经箍完，但医生突然话要多约3个月。箍牙冇影响唱歌，但呢两年嚟好影响食嘢，牛扒、鱿鱼全部食唔到，我只系可以咀嚼几啖就吞落肚，我依家喺鸳鸯面，影相要就位。”