方力申决定4月2日开始减肥 背后原因系揭盅

etin

艺人方力申（小方）早前认爱韩国邪教领袖郑明析性侵受害人Maple（叶萱），引起全城关注，不过近日不时出席活动嘅佢，唔知系咪有爱情滋润关系，被粉丝发现佢发福咗唔少！贵为“飞鱼王子”嘅佢虽然已43岁，唔再系游泳运动员，不过佢都唔想比自己个身形继续膨胀，佢昨日（27日）在个人社交网发文表示要决心减肥，仲定咗喺喺4月开始：“咁样嘅，我决定咗4月2号开始减肥！因为我娘亲1号生日，要食埋个蛋糕同寿包先开始得，所以：我由2号朝，就会po体重，um… 三围数字都po啦，会做fasting 1日1餐 + keto 咁即系戒糖戒酒啦，所以，即系唔使约我食饭喇。所以，依家仲有几日时间，我会食尽佢，原来食饱先有力减肥系咁解嘅！”