前港姐冠军陈凯琳(Grace)一月为老公郑嘉颖诞下第三胎儿子Carlos,加埋家中本身两位公子,依家Grace一拖三无力分身,只可以专注凑小朋友,难得佢成日都有闲情逸致keep住上载update社交网,力保人气及KOL身份,都真系唔话得!再次照顾到网友心情嘅佢,今次就上载多张同小朋友交流嘅居家照,包括化晒浓妆于家中抱B接受口服疫苗、淡妆抱细仔自拍等,更出卖郑嘉颖“头都痛埋”嘅凑仔样,看似幸福又美满。 不过今次Grace出post,原来唔系晒幸福,而系亲揭做“黄面婆”嘅痛苦真相,佢以英文留言狂呻最近过得好辛苦,自己都好不知所措,但好在佢识得对外发泄搵出气点,亦勇于承认自己搞唔掂,难怪相中见佢虽已脸挂脂粉欲遮盖残倦脸容,但仍睇得出佢瘦到面形都变埋,下巴愈嚟愈尖,睇到网友心都痛埋。
|