梁诺妍产后行168加低碳饮食 速瘦过程曝光

etin

艺人梁诺妍（Inez）喺社交网贴文，分享产后极速瘦身心得，仲贴咗几张由产后2个月开始一年内嘅体形变化，佢留言：“生完sir face除咗头发越剪越短，另外一定系身体的大转变，从来没有后悔生完B变得庞大嘅身形，一切都系值得的！有好多人都话我依家好似仲瘦过未有BB时，其实运动量同以前一样，反而饮食习惯转了，168+低碳饮食，再配合好的补充品身体少咗糖，皮肤都会变好，脂肪自然下降，身形就自然变得理想（鬼鼠位我有另外方法迟啲等我再分享）7分饮食3分运动，饮食做得好，运动都一定要配合，肌肉系唔会自己生出嚟，一定要做肌肉训练先会有，而有肌肉线条看上去先系健康美啊！”Inez话跑步系最快嘅消脂运动，但系对初学者嚟讲或者太过吃力，佢教路可以每日喺屋企做少量肌肉训练，慢慢培养返一个运动嘅习惯系首要，仲话身体机能变好就可以有更多力气去凑B。大批圈中好友包括：胡定欣、陈自瑶、黄翠如及连诗雅等都留言大赞佢身形Fit到爆，萧正楠就对Inez嘅6旧朱古力腹肌表示致敬，但数到最好笑就肯定系老公洪永城嘅留言：“点解我个肚唔系咁？”网友即留言笑佢：“你仲停留紧喺坐月阶段”、“你一路都系图一”。