戴祖仪芳龄28想搵拖拍 大佢15年都冇有怕

etin

戴祖仪与李芷晴昨日（3日）出席《博爱欢乐传万家》记者会，戴祖仪透露届时会献唱梅艳芳的歌曲，自认跟对方有缘分：“因为我之前拍咗套内地剧，都唱咗几次梅姐嘅歌，我喺套剧唱《烈焰红唇》，有跳舞架，但当然唔系着梅姐嗰套衫咁性感。（博爱会唔会唱番呢首？）有机会，但未知着咩歌衫，太高难度嘅服装就交畀芷晴。”

至于芷晴早前到了学校探访，但就被认错是赵希洛：“我同佢哋讲我系《爱．回家》入面同Andy拍拖嗰个，佢哋知道后就好热情同我影相打卡。（有冇男同学赞你靓女？）有，男女都有。”戴祖仪笑言：“佢哋有冇话想你做佢哋体育老师？”芷晴自言除了体育，也可以教艺术。

另外，戴祖仪将于本月22日生日，她称刚收到消息当日要拍摄节目，又预告会在生日后推出自己有份作曲的新歌：“相隔一年再有作品，可以作为一个唱作歌手，畀人才女感觉，哈哈！”问她生日有否异性相约？她即说：“好多男仔约我，因为我比较男仔头，我有好多Bro，同成班朋友一齐过。（有冇追求者约你？）以我28岁芳龄，我又咁风趣幽默，样又唔差，点都有啲。（你会唔会应约？）沟通吓先。我咁多嘢讲，想搵一个文静啲平衡番，又要唔怕烦同成熟啲，大我15年都可以，我好少锺意弟弟，我锺意哥哥，因为锺意畀人照顾。”