张栢芝二仔Quintus暴风成长 100%还原谢霆锋靓仔样

etin

女星张栢芝有仔万事足，同3个仔感情都好好，日前佢同二仔Quintus用咗大仔Lucas嘅手机玩自拍，仲将片段放上社交网，又留言笑指：“偷了哥哥的手机无聊的在拍视频。”见栢芝揽到Quintus实一实，之后仲齐齐做出大心心手势，期间栢芝更小鸟依人般挨落Quintus嘅膊头，望落似一对小情人多过两母子，相当甜蜜。唔少网民都大为感动，直指由小睇到Quintus大，现时已能够成为妈妈嘅依靠，感到非常欣慰，又指Quintus愈大愈有型，戴上黑超后更爸爸霆锋饼印一样，基因强大。