孙慧雪佗巨B重超过10公斤 自爆医生指定开刀分娩

etin

艺人孙慧雪（雪雪）与苏皓儿（Chloe）昨日（28日）现身活动，怀孕4个半月的雪雪，肚皮已非常巨型，她坦言：“啲人以为我有咗6、7个月，我老公好担心，问我个肚会唔会爆，上一胎个肚都冇咁大，我暂时重咗10几公斤，依家未推算到BB出世会几多磅，但BB比正常大个几月，医生都叫我要开刀生。（你食好多嘢？）我都唔够胆食咁多，头三个月冇胃口不停呕，依家胃口好咗，好锺意食饭。”问到BB性别，雪雪表示要保密，迟些才公布，但扬言生完第二胎要封肚：“因为真系好攰好辛苦，我一日瞓10几个钟。（囝囝想要细佬定细妹？）男仔应该想要个妹。”虽然腹大便便，雪雪称计划下月尾跟老公及儿子到日本旅行，她自认仍十分灵活。

至于Chloe透露正忙于拍摄ViuTV的新剧：“个故事系关于交友App，我同谭善言、吴肇轩有感情戏，大家关系好扑朔迷离。（有冇亲热戏？）同吴肇轩有少少。（第一次拍ViuTV剧？）都唔系，几年前拍过，但只系出现咗几分钟。”问到现实中有否用过交友App？她称没有，比较喜欢在生活上结识新朋友：“唔系惊受骗，因为我系艺人，唔想咁高调。”