陈豪自爆陈茵媺拍完剧“暂休”：回复妈妈角色

etin

视帝陈豪出席无綫剧集《新四十二章》宣传，透露刚与太太陈茵媺及子女快闪泰国布吉旅游：“趁小朋友开学之前同佢哋去开心吓，今次先带公主同王子去玩先，之后再同太太二人世界。”谈到旅程间为太太拍摄索爆泳装片段成为热话，他说：“我好锺意摄影，太太锺意影相，同埋拍开戏识得镜头运用，我觉得出嚟效果都唔错，平时去旅行大家会分工（介唔介意太太晒身材？）冇乜所谓，以前比较保护小朋友，依家想畀大家感受吓，我哋嘅家庭就系充满欢乐同爱，其实我都拍咗好多片同相，等剪完再慢慢分享畀大家睇。”

曾透露将二人世界出埠，陈豪表示仍在计划中，问到届时是否主力温馨而足不出户？他即笑到见牙唔见眼：“你哋好坏呀！”而早前与太太夫妻档拍剧，问到太太现时可有戏瘾？陈豪表示：“佢今次拍剧都好辛苦，加上小朋友开学，所以回复番妈妈角色，暂时都会专注家庭先。”