郭羡妮自小与爱宠为伴 狗狗离世未能送最后一程最伤心

etin

艺人郭羡妮（Sonija）与谢雪心昨日（5日）到会展出席宠物活动。谈到饲养猫狗，Sonija表示自己自5、6岁开始，已不停与它们为伴：“起码养过6只狗，最高峰系3只狗同1只猫，大部分都系领养，或者朋友屋企宠物生咗，送畀我养。”

​她又指去年自己身在加拿大，家中爱犬辞世：“送唔到佢最后一程，到依家我都唔敢睇番佢啲片，我个女佢哋面对呢件事都好伤心。（仲够胆继续养？）会，佢哋10几年嘅生命，一直等同屋企人咁，只要对得佢哋好就无憾，佢做得我嘅宠物，大家都系一种缘分。”

她透露现时家中有一对猫：“女仔嗰只畀我个女要咗，佢话系佢嘅，我就同佢讲，你个女要啲乜乜乜，培养佢嘅责任感。（你做咗婆婆？）系，而男嗰只就系我个仔，因为我冇生仔嘛。（几时娶新抱？）冇，佢已经阉咗，对佢身体好啲嘛，佢喺我生日前后大病咗一场，好彩最后冇事咋。”谈到未来工作安排，Sonija表示会客串演出马浚伟新剧，加上目前已开关，相信稍后或会返内地工作。