胡蓓蔚续约无綫 与袁文杰演夫妻嗌辛苦

etin

艺人胡蓓蔚（豹嫂）与林景程现身无綫新剧《虚拟情人》的拜神仪式，豹嫂表示已续约无綫，不过之前到了上海2个月探亲，一直未有时间正式签约，问到公司开出甚么条件打动她？她说：“冇乜，都系同之前差唔多，我好抵用。希望唔止拍剧，仲可以做吓综艺。”她称在剧中跟袁文杰饰演夫妻，她指跟对方合作好辛苦：“因为佢太高，我要着好高嘅高跟鞋衬番佢，我最期待就系坐喺度嘅戏，不过佢好有绅士风度。我同佢第一场戏就已经有少少激烈，两夫妻有场大龙凤。”对于好友陈山聪获视帝，她指已跟对方讲明要请食饭：“我同佢讲唔可以系普普通通嘅一餐饭，要食厨师发办，咁紧系佢请啦！”

​景程失落男飞跃，他自言未有失望：“我做咗13年，有人留意到我已经好开心，提唔提名事少，观众锺意最重要。”问到《下流上车族》演员会否食饭庆祝？他称大家已讨论过预计在新年期间相约食饭，问到林敏骢失落视帝会否感失望？他说：“正如佢骢哥之前讲，个人奖唔系最重要，《下流》系应该攞最佳剧集，依家攞到系好大鼓舞。”