廖碧儿法国继续进修 素颜运动Look展示最佳状态

etin

女星廖碧儿早前重返校园完成工商管理硕士课程，仲飞返加拿大卑诗大学出席毕业礼，之后佢又再去法国继续进修，佢日前喺社交网分享法国游学之旅嘅生活点滴，佢趁住学校假期换上运动装四周围行吓，仲去咗湖边睇风景，影吓靓相，生活得优哉游哉，惹来网友好羡慕！​而43岁嘅佢素颜上阵，皮肤依然保持嫩滑，面上冇明显皱纹，状态极好，佢仲开心到跳起凌空劈腿影相，少女味甚浓，网友大赞佢有学识又有才华，加上有一直继续返学进修嘅心，真系好值得人学习呀！