罗子溢激减近20磅 想囡囡大个学张曦雯去选美

etin

艺人罗子溢与张曦雯（Kelly）昨日现身代言的美容中心发布会，子溢在广告中大骚6旧腹肌，Kelly则骚美腿。子溢透露为拍广告激减近20磅：“我之前成个叔叔咁，依家有广告代言，所以的起心肝搞好啲。拍广告之前几日冇食嘢，只系饮水，我觉得自己好似去参加健美比赛一样。”Kelly透露为拍广告也有在饮食上节制：“我节制咗3、4日，唔食盐、少食淀粉质，同狂饮水，客户准备好多恰菜同恰鸡胸畀我哋食。”问到他们觉得有甚么地方需要改善？子溢笑言是身高：“广告中我高过Kelly半个头，因为有苹果箱畀我企，对男士嚟讲有少少尴尬，冇办法，佢系选美冠军特别高，我系正常身高，如果有个增高疗程就好喇！”Kelly则想改善肌肤状态。

子溢现时正放假，近日陪女儿去学校旅行，并在社交网罕有晒女儿正面照，他说：“之前太太少摆囡囡个样出嚟，我话不如摆吓啦，大家都想知囡囡系咩样，而且啲相系我影，我觉得自己影得好靓，所以好想摆。（囡囡黐你定妈咪多啲？）黐妈咪，不过见到网民留言话囡囡靓女同个样似我，我都有啲安慰，希望佢将好似Kelly咁靓去选美。”

至于Kelly的母亲早前来港探她，对于网民指她跟母亲不似样，她解释：“因为我似爹哋，细佬就似妈咪，所以我同细佬系完全唔似样。（妈咪有冇因为网民留言而唔开心？）冇，我由细到大都系似爹哋。我见好多网民赞我妈咪好后生，我父母都系Keep得好，我爸爸真系好似子溢咁有六旧腹肌。”子溢即问Kelly父亲的身高，Kelly坦言：“爸爸好似高你少少。”子溢笑言很受伤。

另外，子溢在台上表示希望女儿大学毕业时，自己仍能保持年轻外貌：“如果我仲Keep到广告咁，我一定会畀人捉去研究。有少少虚荣感，希望将来个女唔好嫌弃自己，仲肯拖我手，畀人误会我系男友就更有成功感。（囡囡肯唔肯畀你拖？）肯，人多同喺停车场时会。”