蒋祖曼首任女一惊咗半年：心谂会唔会从此息影！

etin

艺人蒋祖曼（Joann）昨日（7日）出席无綫剧集《轻．功》宣传活动，她称不少网民赞剧集有共鸣，但指其角色暴躁兼恶死：“我初时都好担心，个角色咁恶，但其实系好贴地，有啲仔女真系会咁对父母。”讲到首度担任无綫集女一，她坦言压力大：“呢类生活小品嘅剧种我未试过，好多反应都唔识做，由开拍前到拍完都好惊，惊咗半年，心谂我会唔会从此息影，后来监制同宣传人员睇过套剧都话无问题，叫我放心。”

​Joman在剧中饰演黎耀祥及龚慈恩的女儿，在剧中一开始便大闹两人无脑，她表示：“开头我唔敢咁恶，佢哋同监制都叫我要恶啲，要突出角色性格。（现实中同父母关系点？）我哋关系好好，同剧中角色好唔同，阿妈睇完话我演得好自然，真系可圈可点。（有冇讲过啲令父母伤心嘅说话？）我唔记得，喺我角度觉得冇，但可能有时唔为意或者忙紧嘅态度会唔好。”她透露拍完该剧有自我反思跟父母相处。