薛家燕送玩具车畀孙仔庆生：佢识同自己讲Happy Birthday！

etin

艺人薛家燕日前出席厨具活动，现场吸引半百观众围观。家燕对食好有要求，但鲜有亲自落厨，因为觉得要煮得色香味俱全需要多功夫，而她少入厨房，全因家中已有位“厨神”：“我新抱好锺意煮嘢食，之前抗疫期间，我哋好少出街食，一日三餐都系佢煮咁滞，佢真系煮得好叻，近日佢仲教埋我孙仔煮，早前我孙仔生日，佢两个就一齐整蛋糕，孙仔整完仲同自己讲Happy Birthday！真系好得意，好可爱。”

​家燕姐孙仔Julian18个月生日，身为嫲嫲的家燕为他庆祝，送上大批玩具车：“因为Julian对好多交通工具都好有兴趣，喺度学紧好多类型车嘅生字，所以做嫲嫲就投其所好，孙仔很开心。”刚在马来西亚工作返港的家燕，留港数天后，又要起程飞美国：“今年圣诞节应该都要响美国过，因为之前疫情冇得飞，依家可以飞，就有好多歌债要还。好耐冇飞去登台见吓老朋友，所以都好开心呀，应该都要忙到农历年前，过年就应该会返香港。因为今年会有套贺岁剧《黄金万両》出街。”