黎诺懿奉献百万续约金 开拓饮食版图

etin

黎诺懿早前宣布以破天荒形式续约无綫，强攻幕后做大骚监制，厨艺了得的他原来同时发展副业，加盟饮食集团成为创意大使，准备在饮食界大展拳脚！他曾主持不少饮食节目，亦有亲身落场晒厨艺，早年更推出过贺年糕点及月饼，外间反应不俗，在一次偶然的机会下，令他萌生转战饮食界的念头：“有次食饭识到呢个集团嘅老板，大家倾倾吓发现理念好相近，好快就拍板话合作。同埋最吸引系佢哋有廿几间餐厅，唔会局限某种菜式，所以想试吓自己驾唔驾驭到。管理方面我唔太在行，所以就负责设计菜式，除咗保持品质之馀，卖相都要吸引。”

短短几个月内，诺懿先后设计了4个菜式，他笑指平日会趁主持节目向身边名厨偷师，所以已收获很多宝贵经验，准备大派用场。问到可会邀请圈中朋友加盟？他直言即使是朋友及亲人亦不会合作做生意，免得为钱反目。提到今次加盟费达7位数字，诺懿不讳言已把续约无綫的酬劳上缴：“有时啲嘢系要投资，呢行始终被动啲，所以要两手准备。（太太无限量支持？）佢唔识呢方面嘅嘢，所以唔会插手，平时财政分得好开，只要每个月有张支票畀佢就OK。（餐厅有咩目标？）希望每个锺意嘅商场都有自己嘅餐厅，带个仔去，会话佢知爸爸有份。”问到会否让儿子做接班人？他表示：“任何嘢都唔会畀佢，但开咗户口畀佢储钱，等佢有理财概念。如果畀晒佢系好‘温室’，我要佢28岁前尝试晒失败，到30岁就可以有本钱赢返嚟。”