被提名“飞跃进步女艺员” 关嘉敏自爆精神分裂：好激动！

etin

艺人关嘉敏（Carman）日前百忙中抽空参加人数达20人的家族旅行，目的地是韩国济州岛，难得参加今次家族聚会，当然多了不少增进感情的机会，当中更和6岁的姪女拉近距离。Carman说姪女由出世至今，每次一抱她就喊，令Carman非常无奈，但经过今次旅行，两人关系突飞猛进，更去到难舍难离，旅行结束要各散东西时，姪女因不舍得Carman离开而大哭，令Carman哭笑不得。

问到Carman韩国一行有否放肆吃喝而增磅，她说：“唔系呀！我系瘦咗返嚟，因为唔敢食咁多，怕返到嚟香港着唔落出席台庆嘅晚装，我每次同啲美食合照完，都系食2啖就收手，睇住屋企人食，我惟有饮多几啖水就算。每晚喺酒店做运动，其实自己喺健身房做运动都几闷，好在有开Live，好多粉丝同我倾偈打气，所以唔经唔觉，就做咗两个钟头运动，超标完成每日嘅运动量，所以瘦咗。”

Carman续说此行零艳遇，但获不少长辈观众认出：“冇异地情缘发生，但系就充满长辈缘，喺韩国有餐厅侍应、马来西亚旅客认得我，有好多叔叔婶婶走埋嚟同我倾偈影相，仲叫我好好加油，我真系估唔到，我喺马来西亚嘅Fans年龄层咁广，我会继续努力，报答佢哋嘅支持！”对于首次在台庆颁奖礼被提名“飞跃进步女艺员”，她说：“真系好开心好激动，心情平复后，就同自己讲，有提名证明努力系冇白费，唔好畀自己压力，但另一边又谂，如果攞到奖就好，真系好精神分裂，哈哈！公司上上下下、仲有所有亲友都主动帮我拉票，唔使2小时就收大量信息话已经投咗票畀我，大家咁支持，我真系好感动，无论结果系点，我都会继续努力，继续做我锺意嘅演艺工作。”