张曼玉晒绝密床照 开社交网1日吸5,500万点击

etin

久未露面嘅影后张曼玉，依家长年深居简出，对上一次出席公开活动就系今年6月，惊喜晒蛇腰做DJ，之后佢又再收埋自己，一直去到前日（22日）竟然见到佢开通咗短片网，仲一口气upload咗3条片，以前多个绝密时刻曝光。当中就有2008年佢喺伦敦同瑞士知名摄影师René Habermacher合作嘅片段，换足多个造型嘅佢，每套服装搭配嘅妆容、场地、氛围都展现出顶级时尚感。另一条片就见到佢喺巴黎随性地踩单车，见到路边商店橱窗有咩好睇就停车望望，一派自然惬意咁穿梭巴黎街头，随意现身镜头都天后感十足，难怪个account开咗1日，就已经有逾44万Followers，影后号召力惊人，亦令粉丝感动，竟然可以喺社交网见到女神嘅足迹，加加埋埋已有超过足足有5,500万人收睇。