廖碧儿回加拿大行毕业礼 着袍戴四方帽成就解锁

etin

女星廖碧儿早前重返校园完成硕士课程，近日佢终于再次回到加拿大卑诗大学（University of British Columbia）出席毕业礼，佢喺社交网大晒多张毕业靓相，见佢着上毕业袍、抛起四方帽，感觉劲青春，佢更获亲朋好友特意前来观礼兼送花支持，相当温馨。佢留言表示好开心终于完成呢个漫长嘅旅程，多谢身边一直支持自己嘅人，虽然期间冇不少挑战，但冇以往嘅经历就唔会成就今日嘅自己。佢续指仲有好多嘢要学习及体验，亦唔会再质疑人生中遇到嘅困难，好期待可以继续呢个旅程，似乎预告有意继续校园生活。

身在当地的碧儿接受访问，透露两年前因疫情关系未能现身毕业礼，如今终于完梦感兴奋，她说：“父母见到我终于毕业好开心，今次仲见埋公公，可以一家人庆祝，仲有圈内爸爸秦沛同苗侨伟，都约到聚埋一齐，真系好开心。”向来热爱读书的她，不讳言因当年参加选美，结果要改变读书计划，直至2018年终于下定决心重返校园：“当时拍紧ViuTV剧，好多公司同监制夹到时间，令我每个星期都飞到返嚟返学，过程都辛苦，但依家系一个收镬，不过我都有读紧一个Master课程，同一个关于做生意嘅Global Programme，嚟紧17个月会继续努力。”