陈山聪曾被朋友劝转行 自我评价畀负分

etin

明年入行30年的陈山聪，今年先后播出共6套主演剧集，包括连续两出台庆剧《美丽战场》及《超能使者》，有指今年视帝之战，是山聪与林敏骢的“双聪之争”，山聪在电台《星光背后》专访中，忆述当年选择“边度跌低，边度爬番起”时，不少朋友劝他转行，但他坚持面对自己犯过的错：“朋友话我嗰时唔止零分，系负分！转行啦！但错就要面对，人生系我嘅，唔试唔知，我信肯努力肯挨，会有人看到。”

在坚持期间他可感受过幕前幕后落井下石，他说：“我亲耳听就少，但我相信背后有好多，但我唔介意，因为我做过，唔系我做过一啲事，点会有人讲？甚至乎之前同陈敏之熟到咁，佢都同我讲过，嗰时佢喺公司见到我会当见唔到，我当然个心‘嗱’住，但今日佢仍然可以喺我身边，伍姑娘（伍咏薇）都系，系更重要。”山聪坦言迷上跑步及太太Apple影响他最大，他说：“跑步令我学懂坚持，我常分享‘心冇放弃，身体就会跟随。’人生面对失败或困难唔难，因为你知道自己有错，但你要喺失败之后，企番起身再步向成功，呢样先最难。”

3年前，陈山聪跟交往了五年的圈外太太Apple结婚，翌年太太更为他诞下儿子陈霆轩（Jaco），最近二人庆祝结婚3周年，山聪更在社交网分享写上“感恩遇上你成为我的美梦”。节目中，山聪感谢太太为他带来初为人父的喜悦之馀，亦分享夫妻跨过七年之痒的保鲜方法，他说：“我哋每晚瞓前都会倾偈；一啲甜蜜嘅事坚持要做，譬如太太锺意食嘢，我哋经常四处找美食，二人世界旅行一定要，结婚周年同生日都一定要庆祝。”

重新振作期间，山聪指太太冷静性格正好弥补他心急个性，常给予他鼓励：“重返呢行已经认识太太，佢一直扶持我，佢成日话：‘你之前嘅事，关我咩？’另外，佢仲成日讲笑话：‘我买重你呀！你系蓝筹股呀！’到我事业有啲起色，佢仲话：‘你唔好跌呀！我决定长线持有！’佢系我太太之馀，亦都系我好朋友，经常为我冷静分析，譬如到2015或2016嗰啲关口，佢会话说：‘老公你唔使担心，任何事上天自会有安排。’令我冷静，喺佢身上我学到好多。”

山聪不讳言从前对快乐有误解，现在才明白简单才是最快乐：“以前我以为欲望、物质、名利对我来说最重要，但依家明白，内心快乐先最实在，除咗拥有家庭阿仔，作为演员，由负评去到正评已经好难，有人支持你系更加难，所以你问我想唔想攞视帝，已经唔重要，最重要观众喜欢陈山聪演戏：另外，最重要系太太同阿仔，从前我冇家庭观念，依家家庭畀我明白，人生最快乐就系呢个阶段。”