新剧撼无綫？宣萱拍剧求开心：收视唔系我控制

etin

艺人宣萱与姜皓文（黑仔）昨日出席MakerVille原创剧《极度俏郎君》开镜拜神。今次是2人继电影《一线生机》后再次合作，他们透露开工至今已一个月，黑仔笑言拍摄开心到不想收工：“成个团队台前幕后都好融洽，拍20集唔够喉，想拍多20集，尤其系有宣萱，我全家都好锺意佢，包括屋企只狗，闻到我个身有宣萱阵味，即时扑埋嚟。”宣萱指今次对手配搭新鲜，黑仔大赞ERROR勤力，宣萱表示有听ERROR的歌曲：“佢哋嘅角色好搞笑，做乜都得，但我个角色比较认真，所以拍摄时要成日提醒自己唔可以畀佢哋影响牵住走。佢哋啲粉丝好多食物同饮品应援，大饱口福，愈拍愈肥。”

另外，讲到今次对撼无綫？宣萱称没有多想：“拍剧讲求开心，只要剧本、角色好就ok，收视都唔系我控制范围，留畀监制担心。（重金礼聘你？）唔系。”她称若无綫邀她拍剧，只要适合她都会做，但现时档期已排至明年年尾。​提到无綫剧《下流上车族》的男主角原是黑仔，黑仔强调当时还未开工及未试造型，只是磋商阶段，他大赞林敏骢演得好：“甚至比我幻想中自己嘅演出更好。（拍唔到会唔会觉得可惜？）唔会，如果有机会好想同呢个团队合作，而且当初系我话想拍喜剧，佢哋就写咗呢个剧本畀我拍，所以我拍唔到，觉得有少少对唔住，呢个系缘分，缘分未到。”