右膝手术后未搞掂 姜涛阴功猪要靠拐杖度日

etin

男团MIRROR成员姜涛日前打艺人篮球赛时扭伤右膝盖，最后要坐上轮椅送院，事后更要动手术及上载病床照，昨日（16日）终于都再有新进展，前日（15日）手术过后佢先上载自拍话“结束了”，昨日再上载要撑拐杖足足两个月咁耐，并留言：“这两个月的新朋友”，搞到粉丝都好心痛，同时亦好大机会影响佢呢两个月嘅工作，出入亦唔方便，但好在佢心情似乎还好，未见放负，咁姜糖个心先定啲。另外佢亦有转发一位婆婆粉丝嘅留言，并回覆指自己百感交集，仲好感恩有婆婆嘅支持，又祝对方长命百岁、身体健康！及后佢又上载一张新相，见佢喺护士帮忙下，尝试慢慢企起身，落床使用拐杖，佢仲有感而发：“很累...慢慢来吧”。