陈家乐身怀千年巨筋唔打得 靠黑带陈晓华上阵

etin

艺人陈家乐、陈晓华和谭凯琪等昨日（9日）出席无綫新剧《异空感应》开镜拜神。监制王心慰指今次拍摄不乏危险场面，故出动两只烧猪祈福，又呼吁台前幕后诚心上香。男女主角陈家乐与陈晓华孖住受访，2人于戏中由斗气冤家发展到好朋友再拍拖，家乐笑说：“感情线去到最后几集。（你系咪要打？）好彩我今次用脑多啲。”

陈晓华则表示有跟武指练功，不过反应不及以前灵活：“上咗一个月速成班，开厂唔够瞓，畀人喺后面打咗一吓，搵咗好耐都唔知边个。其实年前我拍完《迷网》觉得自己啲动作戏太差，咪趁自己筋松同软，就走去学跆拳道，都学咗2年几考到黑带。（试过击退色狼？）我通常都系用音波功，或者劲睥住佢。”

陈家乐则自言骨头硬：“我系千年巨筋，出晒名拉唔到筋。我都有拍动作戏嘅，好似之前喺内地拍咗套古装，都有动作场面，我扮妖精，未试过化两小时妆开工，大家睇戏可能唔认得我！今次返内地拍戏都学到嘢，原来要拍打戏拍得好睇，最尾摆个靓甫士唔可悭。”《异》剧将拍摄至明年1月，家乐希望农历年前可以煞科，又透露婚礼已筹备中，有几个心水吉日行礼，但未最后落实。