拆穿林俊贤讲大话！林钰洧爆老窦有叫验DNA

etin

港姐冠军林钰洧（Denice）昨日（6日）出席沙田马场举行的《莎莎妇女银袋日》，对于父母林俊贤与Jasmine就家暴、堕胎及验DNA隔空互骂，事件愈闹愈大，Denice坦言有被父亲要求验DNA，拆穿父亲说谎。

Denice表示有留意父母对骂的新闻，直言不开心：“因为呢啲系家事，依家全世界都知。（点解妈咪突然咁高调去讲？）我都唔理解，佢受访前都冇同我讲，完全系惊喜。（骂战后有冇同妈咪倾过？）我冇问佢，我唔想讲亦唔想了解，呢啲系佢哋上一代问题，作为后辈唔应该插嘴。（会唔会做和事老？）唔会，我觉得佢哋未系好成熟，我化啲，由得佢哋锺意点搞就点搞，依家仲好唔使我做传声筒。”

讲到被要求验DNA，她直认不讳：“系，爸爸系有叫我，我冇难受，咪当新冠验核酸咁撩鼻，当年15岁见番面，佢叫我验我咪去验啰！（唔觉得伤感情？）伤我妈咪多啲，会觉得点解会咁怀疑佢。（即系林俊贤讲大话？）可能佢比较善忘，年纪大，我冇乜所谓，依家我讲完咁佢咪记起啰！”又强调父亲从来没有抚养自己。

至于妈咪指林俊贤曾要求对方堕胎，Denice表示理解：“我明，嗰个年代嘅偶像派好多时都系咁，有都唔出奇。（妈咪有冇提过被家暴？）冇提过，由细到大妈咪都冇提起爸爸，而且我对呢方面都唔好奇。”她又开玩笑言现在是她被二人虐待。问她信父亲还是母亲？她称不想理，亦不愿去想这个问题。至于跟父亲会否因此事而有隔阂？她谓：“我冇谂呢啲，专注自己，近期都好多工作要做，又要Keep身形。”问到会否担心因事件而影响其形象及工作？她无奈说：“我都惊出面啲监制同广告商因为咁而唔搵我，但冇办法，都发生咗，惟有增值自己。（同妈咪讲你处境，叫佢少讲为妙？）佢哋依家火遮眼，唔会明我处境。（妈咪30年来好多冤屈？）应该系。（咁多年有冇试过三个人出嚟见面？）从来都冇，我都唔想。”

​对于被指要林钰洧验DNA，林俊贤因忙于公事，故透过Naomi回覆表示：“有咪有啰！”Naomi更力撑表哥，指林俊贤之前回应话冇叫女儿验DNA，是讲紧对方七、八岁的时候，她说：“其实表哥当时系回应返Jasmine嘅访问，讲紧同Denice 7岁见面嘅时候，表哥系冇要求验DNA，可能传媒误会咗意思，我系百分百撑表哥，全屋企人都支持佢，因所有屋企人都知道真相，唔想一啲人乱讲嘢抹黑我哋。”