艺人陈山聪、陈展鹏、刘佩玥及刘颖镟(Tiffany)等昨日(5日)现身观塘,出席主演无綫台庆剧《超能使者》宣传。席间山聪与Tiffany再次演绎“胸袭”,炒热气氛,全场起哄。 山聪被发现左手手指尾戴上保护套,受访时他说:“之前拍摄电影《无间一战》同黄宗泽个武替对打,佢加咗垫做保护,点知我‘笃鱼蛋’。受伤后我谂住敷冰就冇事,但老婆叫我去睇医生,一照磁力共振,发现韧带有少少裂咗,要上保护套6星期,等佢自然愈合。”山聪笑言稍后于节目巡礼上表演唱歌,自己要“兰花手”揸咪。林子善闻言即补充:“我都有份拍《无》片,期间遇到航拍机失控跌咗落嚟,我同黄宗泽都有受伤,佢仲直头‘中头奖’,好彩我哋抱住个头咋。(流血?)全身真血同假血混埋一齐!”
至于他于《超》剧穿上“彩虹战衣”大跳艳舞,他表示拍摄时未感尴尬:“全程投入拍摄嘛。佢哋有畀T-back我打底,但我嫌摄住条屁股隙,所以最终冇着。嗰啲临时女演员,个个见到我好疯狂,系咁伸手入裤搞,拍完好多假银纸‘银’住我。嚟紧讲我畀山聪发现跳艳舞养家,极催泪。(如果要你脱晒拍戏肯唔肯?)咁又唔得,起码要有块树叶遮住啩!”
|