|
艺人黄翠如同老公萧正楠依家积极转玩短片网,前日(1日)翠如就晒出二人婚后搬入嘅大埔康乐园千呎独立屋筑爱巢,明明系拍广告片,但变相似足大晒爱巢洗手间同厨房等细节,仲自爆畀萧正楠投诉:“依家有人强逼我要将屋企储物嘅地方畀大家睇,到底我霸咗几多空间。”片中更见佢啲护肤品劲多,摆满三层柜桶,认真吓人!不过网友更关心嘅系二人爱巢,见入面装修简约平实,以灰色墙身为主,温馨又舒适,客厅角落摆放植物,加埋地毡及藤编坐垫等,成个打卡位。而客厅同花园之间就用落地玻璃窗,后花园除见过二人摆圣诞树外,仲阔落到可以搭帐篷睇星星,情趣满分。
|
|