艺人陈自瑶、谢东闵和应届港姐冠军林钰洧等,昨日(30日)出席曲奇慈善义买活动,场面热闹。对于近日父亲林俊贤与母亲Jasmine展开骂战,“表姑姐”冯镓潆(Naomi)加入战团,指Jasmine自编自导讲大话!林洧钰受访表示:“我冇唔开心,最多小量啰。上一代嘅嘢我唔清楚,唔知佢哋发生咩事,我净系知道要专注自己嘅生活,同埋事业上嘅发展,佢哋嘅嘢唔关我事。(父母喎。)我觉得佢哋似小朋友,已经冇大家嘅联络方式,以前靠我喺中间传话,依家系你哋(指记者),多谢!(妈咪话爸爸以前唔肯照顾你喎。)我冇听过,真系乜都唔知。(成长环境会令你对婚姻恐惧?)拣伴侣一定会拣择啲,同埋觉得女仔要有自己嘅事业先得。(敢结婚?)遇到啱嘅人会啰。” ​问到她会否觉得娱圈男星多引诱,故不会与点圈中人拍拖,她坦言:“我唔系拣行业,我系嫁畀个人,所以持开放态度。(信林俊贤打你妈妈?)唔知喎,佢个样唔似。(呢啲消息会唔会破坏爸爸喺妳心目中嘅形象?)都冇形象。(直接问佢有冇咁做过?)唔想知,真系冇乜所谓,有时情侣打吓交(指耍花枪)都几开心吖。(咁表姑姐讲嘢呢?)好少见佢,大家好疏离。(妈咪有冇唔开心?)其实佢做完记者访问之后,都已经冇再留意新闻,因为佢唔识得上网搵,我亦唔会讲佢知!”
|