黄翠如拒萧正楠送惊喜 收到最好礼物系呢样嘢！

etin

艺人黄翠如昨日（27日）现身保育活动，本月23日生日她获众闺蜜炮制惊喜庆生：“连诗雅同陈自瑶陪我行山，由朝行到晚，去咗保育区，搵唔到车搭，最后要摸黑落山，佢哋好惊，但我唔惊，觉得个经历好得意，好似探险咁。第二日佢哋又搞咗个惊喜派对，佢哋呃我话唔得闲嚟，所以先陪我行山，真系用心良苦。”而另一好姊妹唐诗咏就预先躲在翠如家的厨房内送蛋糕，翠如大赞对方可爱。

问到老公萧正楠可有惊喜给她？她称事先已叫对方不要送惊喜：“我系好怕惊喜嘅人，怕大家为我做太多嘢，老公有陪我行沙滩同食饭庆祝，佢仲送咗枝我锺意嘅香水做礼物，其实我哋两个对于物质都冇乜没欲望，之前大家互送植物，我觉得系最好嘅礼物。”

提到她在生日当天晒泳照，她否认是大解放：“一啲解放都冇，辑相系我去马来西亚，我嘅好朋友帮我影，我每次去当地，佢都会帮我影一辑，佢话如果你今次唔甫相就呢世都唔好甫。（网友话你件泳衣冇睇头，系咪最大尺度？）我系冇睇头，我冇乜泳衣，因为我唔识游水。”她指自己有为这位好友操刀大肚裸照，但自己则接受不了被拍裸照：“我最有信心系着晒衫，我比较锺意做揸机嗰个。（如果老公揸机呢？）冇咁嘅必要。”另外，问到生日愿望，翠如指过去一年家人与自己都多病痛，故希望大家身体健康，问到她现时的身体状况？她说：“身体OK，至于拍剧就随缘啦，睇公司安排，我知公司想我拍个旅游节目。”