索妈Keep弗有妙法！余香凝收身“法宝”大公开

etin

圈中有唔少星级靓妈，生B冇耐就火速收身成功，回复Hot爆身材，仿佛冇生过一样，而且各有各Keep弗妙法，各位妈妈级嘅姊妹们要学嘢啦！打头阵嘅有艺人余香凝，本来身形高挑、四肢纤幼嘅佢，去年为圈外老公诞下一女，但产后短短两个月已劲减35磅，瘦到有腹肌，除咗全靠地狱式做Gym，最大原因竟然系因为囡囡，事关佢将囡囡当哑铃，喺囡囡体重得20磅时已“负重”抱住行山，依家囡囡岁半人仔，佢仲索性举高囡囡做运动，凑女同时做Gym，一举两得，难怪身材咁好啦！

另一位弗爆索妈就系梁诺妍，佢去年尾为老公洪永城诞下一女，本身热爱跑步嘅佢喺佗B时照样继续跑，虽然曾引起网民争议，但佢坚持怀孕都要做适量运动，成功做到肥肚唔肥人，佗B至生完后一样咁苗条！而佢仲配合埋健身双管齐下，练出超结实“川”字腹肌，相当吸睛。