方中信拍完新戏逾2个多月冇工开：谂住食软饭

etin

艺人方中信与太太莫可欣、袁伟豪和太太张宝儿及吴家乐等前晚（16日）出席电影首映礼。与太太拍拖到场的方中信，表示全家人也很喜欢小动物，家中更俨如动物园一样：“有1只狗、3只猫、4只雀同一缸鱼。（会再养多啲？）猫狗绝晒育啦，唔好搞啦大佬！屋企啲櫈全部畀佢哋抓烂晒，又冇得报仇喎，哈哈。”他笑言自己向来“奄尖”，但现都看化了，问到是否要经常换家俬？他说：“唔换啦，换完又抓，喺我面前抓先㷫嘛，以前只狗就会咬枱角，大咗就冇咬，就轮到啲猫。”他指明白这是动物天性，惟有接受现实。

问到女儿有否帮手照顾？他指最初是女儿提出要养小动物，但最终都是由他主力照顾：“佢锡小动物嘅，但冇责任感，责任感去晒我哋度，啲猫狗都习惯咗每朝喺度等我喂。”谈到如要出埠工作怎么办？他坦言已有2年多没出埠了：“啱啱爆疫时返过一次内地工作，嗰阵来回隔离28日，依家希望快啲放宽，否则香港经济只会一直内出血，咁唔系办法。”他指现时市场已很少有较大预算的电影开拍，工作相对也少了，自完成麦兆辉的新戏后已2个多月冇工开，问到会否参与网剧演出？他坦言太辛苦不会考虑：“拍开电影就拍电影，或者做番个家庭主妇啰。（你做咗咁太太做乜？）我谂住食软饭㗎，但食嚟食去咁多年都食唔到，真系阴功，哈哈。”