江若琳荣升大姑奶警告细佬唔好虾老婆

etin

艺人江若琳(Elanne)在社交网报喜，身份由家姐升呢为“大姑奶”！有老公陪伴出席婚宴的她上载和结婚弟弟的肉紧合照，留言恭喜最爱的弟弟搵到好老婆，令原来标准身材的他变成幸福肥仔：“身形暴胀到一个一发不可收拾嘅地步，都知你食得好，瞓得好，生活愉快。”所以她都要说声好爱这位弟媳，因终可以放下家姐的担子，交由弟媳代好好照顾爱锡的胞弟，更叮嘱弟弟：“希望你生生性性，乖乖哋，唔好见个老婆好虾就虾佢。”又派定心丸给弟媳，警告弟弟：“如果你哋闹交，我系唔会帮你，因为一定系你唔啱，完”最后，更上载某年，弟弟来探她拍戏班的合照，以图证明当年弟弟是“瘦地”，现时日渐长大变成“肥仔”。

她接受访问时表示：“荣升做大姑奶梗系开心啦，仲好欣慰，因为佢真系大个仔，要肩负起照顾家庭嘅责任，唔再系屋企嗰个细佬。同细佬细个一齐玩嘅日子，好似系寻日嘅事咁，佢拍咗拖后，个人改变咗细佬好多，令佢变得上进同乖咗，变到好黐家。”她觉得最抵赞是弟妇煲得一手好菜，令细佬受惠外，连她及妈妈都有靓汤饮。