|
艺人陈展鹏、吴若希、洪永城等早前去到内地拍摄剧集《香港人在北京》,其中陈展鹏就带埋老婆单文柔同囡囡小猪比一齐北上,唔想错过阿女成长时刻,仲成日拍片放上网,同大家开心Share温馨时刻。唔知系咪Daddy太忙,冇咩时间陪小猪比,日前陈展鹏晒出被爱女无视嘅新片,条片开始时单文柔跑走唔理小猪比,点知小猪比即喊大嗌要妈妈,呢个时候陈展鹏就走出嚟话说:“唔紧要,爸爸救你,爸爸系你英雄!”点知小猪都系要妈咪,搞到陈展鹏劲无奈。镜头再转到,单文柔同陈展鹏耍花枪打嚟打去,陈展鹏假装受伤,要小猪比锡锡,小猪比再次拒绝,又呃又凼下小猪比终于肯锡Daddy,不过当陈展鹏再要求再锡多次,小猪比又扭计Say no,场面搞笑。
|
|