|
艺人黄宗泽(Bosco)喺尖沙咀开设嘅“蚝吧”,生意虽然受疫情影响,但佢都曾经为咗一班员工而坚持继续开门做生意,而且承诺唔炒人、唔减薪兼有花红,绝对系良心老板,而唔使开工拍嘢嘅日子,佢都会返餐厅助阵。Bosco早前喺社交网Po相留言:“呢位小Fans,生日嚟我餐厅食生日饭,仲掉转头送礼物俾我,真系太客气啦!不过想问下点解会系公仔呢?”除咗同Fans嘅合照,仲Po咗张特写佢戴住Fans送嘅公仔手链,望落都几可爱吖!粉丝就纷纷留言羡慕小Fans可以同偶像戴住同款手链,又有网民争住认自己就系嗰位小Fans,不过最搞笑系有网民留言:“我仲以为你要官宣女朋友!!”以为Bosco有新恋情公开放闪。
|
|