艺人陈滢与周嘉洛昨日(29日)以无綫剧集《痞子殿下》剧中造型出席宣传活动,玩游戏时嘉洛被热情粉丝揽实。陈莹表示今次是剧集最后一次宣传,故主动要求着戏服现身,嘉洛指再次穿上戏服甚有感触,加上剧集进入结局周,感到有点舍不得。陈滢透露已约了嘉洛、朱敏瀚及JW一齐观看结局,之前嘉洛被拍到上陈滢香闺而传绯闻,问到是否到陈滢家中收看结局?陈滢说:“唔系,我哋喺出面睇。(睇完上你屋企?)睇到时情况,其实我屋企唔系好大。”
嘉洛强调从未试过单独到对方家中,问他是否想试?他即断言:“我冇兴趣,亦冇原因要去。(中秋节可以去?)中秋都系一班人庆祝,好少两个人。其实我哋三个之前去佢屋企都系倾套剧同睇剧,咁套剧完咗都少咗原因上去,所以之后会少啲上去,”陈滢谓随着剧集完结,二人绯闻都应告一段落,并大爆对方甚受公司同事欢迎:“之前拍剧有个女同事专登嚟睇佢做戏。(幕前定幕后?)我忘记咗系边个。不过佢系抵睇嘅,佢做戏真系几好睇,有时JW挂住睇佢做戏而忘记讲对白。”嘉洛自言太醉心工作,所以未有留意有旁人看他演戏,问到为何如此吸引异性?他说:“我冇咩招数,可能因为我醉心工作,所以吸引到人。”
提到陈滢有机会凭此剧跟陈炜及胡定欣争视后,陈滢说:“多谢大家锺意呢套剧,不过都要睇埋年底啲剧先,可能有人比我做得更好,我都有套台庆剧《美丽战场》。(两套剧机会仲大?)拍得多唔代表大机会,我都试过一年播5、6套剧,连飞跃奖都冇。我想套剧攞剧集奖同组合奖多啲。”嘉洛就支持陈滢夺视后。
|