周嘉洛被爆搭的士去陈滢香闺 不避嫌：我哋成日都见

etin

艺人陈滢与周嘉洛早在拍摄剧集《痞子殿下》时已传出绯闻，但2人一直否认，惟近日周嘉洛被拍得出席完活动后，第一时间并非返家休息，而系鬼祟搭的士去陈滢位于柯士甸道嘅香闺，甜蜜短敍过2人世界，有指佢临到达前，仲特意叫司机喺附近兜圈，且不时张望，去到女方住址后仲同保安打招呼，似系去惯去熟。周嘉洛接受访问否认此事，指每次去陈滢屋企都系同朱敏瀚及JW一齐，而被拍得当日亦只系朋友聚会。问到传绯闻可会避嫌？佢就话：“最近成日宣传 ，我哋几个都成日都见，都冇特别去谂要避。”

​陈滢否认单独约会

陈滢昨日（23日）出席时装活动，面对记者追问恋情气定神闲，连声否认，并将嘉洛纳入“只系好朋友关系”，又打趣说：“佢身边好多其他女仔㗎。”谈到让对方“登堂入室”，陈滢说：“其实自从拍《痞子殿下》后，朱敏瀚、JW、周嘉洛同我成日四人行，少一个嘅约会都考虑改期，所以绝对唔㑹有两个人单独约会，一定冇闪闪缩缩，我哋光明正大嘅。近期会约埋一齐拍片，咁我屋企交通比较方便，所以佢哋成日上嚟聚会，寻晚、前晚都有上嚟。”

玩Truth Or Dare

而嘉洛被拍得现身其楼下，陈滢解释正正是“约埋拍片”：“条片过2日出街，大家记得睇！我哋嗰日玩咗Truth Or Dare，日光日白大家饮咗一支烈酒，因为问啲问题好尖锐，例如JW问我边段绯闻系真，又问嘉洛有冇畀女仔追，梗系唔答啦，有时佢哋认为你答得唔好都要饮。”问到陈滢会否担心绯闻拍拖追求者，她说：“都忙到冇时间同异性相处，对上一次同异性食饭，只系同个导演食。（唔系周嘉洛，唔通系朱敏瀚？）佢都好大只，依家我忙紧帮佢搵女朋友。”​