高海宁晒出海靓照大派福利

etin

无綫花旦高海宁（高Ling）近日放假，除去佛寺做义工尽显善心外，亦密密出海，而向来识做嘅佢每次都会拍低唔少出海靓相，放上社交网大派福利。昨日佢再度坐游艇出海，并发文分享慢活心情：“按下‘暂停键’，让自己停下来好好感受生活，昨天的夕阳很美，有个会拍照的朋友真好。特意为我准备的餐单很好吃，就差了一杯热美式，每件小事都值得用心感受，因为时间过很快，我们又总是健忘。”虽然今次佢冇着泳衣冇落水，只系以一身文青风打扮上阵，坐船边吹下海风，不过都依然遮唔住有料身材，Deep V领口露出心口，其中一张相，佢对住镜头忘形大笑，不经意向前倾，但佢事后即用文字图案盖过事业线，，唔少网民即刻诈型，高呼“还我咪咪”。