艺人陈豪及朱千雪昨日到尖沙咀出席美容活动,谈到贪靓,陈豪不讳言:“呢方面作为艺人系有责任嘅,因为幕前演出要带Fantasy畀观众,即使我懒,老婆都会提醒及帮手。佢系专家。”陈豪更打趣自己“贪靓”嘅醒觉太迟:“不过迟到都好过冇到,容貌嘅嘢后天努力都可以改善。(依家点搞先得?)好似棵树咁,得闲淋吓水、晒吓太阳,等佢极速生长,哈哈!”朱千雪则透露自从转职后,自己反而可花更多时间顾及美容:“做多咗Facial同treatment,同埋今年系我入行10年,有个愿望想回复10年前嘅状态。(平时有帮老公护肤?)佢都系好懒,最好我话埋畀佢听揸啲咩,甚至帮佢揸,咁我都比较多护肤品,有时同佢开心share。”
​陈豪下月将伙拍太太陈茵媺开拍新剧,演情侣且有大量对手戏。谈到太太复出,他表示:“讲咗好多次我哋唔想喺萤光幕合作,咁会冇晒Fantasy,不过监制搵老婆倾咗好多次,咁我哋都相信佢,惟有交畀佢Handle啦。(你两个一齐开工,3个仔女点算?)到时佢哋都开学喇,好啲啰,不过平时佢哋啲schedule,我哋都要花时间去处理,呢个一定嘅。”
朱千雪闻得陈豪与陈茵媺“合体”即大呼期待,不过她坚持目前时间上很难分配:“所以只能出席开活动见吓大家。(完全冇戏瘾?)又唔系,尤其我妈咪喺加拿大会煲剧,我都想佢睇到个女喺萤光幕出现。(造人未?)随缘啦,想回复10年前状态满足吓自己先,然后再谂下一步。(向陈豪取经?)其实我妈咪都系有3个女,可以嘅话我都冇问题。”陈豪闻言即搞笑谓:“有啲嘢一嚟就好快㗎喇。(有乜嘢传授畀朱千雪?)Enjoy your life!”
|