艺人陈伟霆(William)昨晚出席“英皇戏院时代广场开幕典礼”。头戴cap帽的他刻意遮掩自己为新戏《爆裂点》角色造型而染的一头银发。自从电影《救火英雄》后,他已有近10年未有在港工作,难怪甫见相熟记者表现热情,鸡啄唔断。
William透露由于疫情关系,已有两年多未有返港。在内地片酬分分钟千万计的他,今次“凯旋而归”接戏,他坦言:“返嚟完全唔讲片酬,能够演出呢套戏系我嘅荣幸,尤其同家辉哥(张家辉)首次合作兼有大量对手戏,过两日我哋会对打。(唔收片酬都得?)系。(拍得辛苦?)唔会,一早已“打晒针”,有晒心理准备,我仲喺北京考咗个枪牌先返嚟,呢套有关戏枪械镜头比较多。”
由于要还广告债,10月电影煞科后William要赶返北京。一向孝顺的他坦言最不舍陈母:“佢年纪大,唔想佢为咗探我成日要隔离,都希望多啲机会返嚟香港。(杨受成话嚟紧仲有两套电影搵你。)我谂冇咁快开工嘅。我妈咪依家仲当我细路仔,我未收工返屋企佢就坐喺度等我,其实我就嚟37岁嘞!”William 又透露原来自己与妈咪及嫂嫂同月同日生,关系更见亲密。问到陈母可有催婚,早前与名模何穗传绯闻的William笑答:“冇喎,佢净系想我专心工作。”
|