“姜糖”逼爆3层商场隔空支持姜涛 毛舜筠变小粉丝：我都好锺意佢

etin

由姜涛及Jer（柳应廷）@MIRROR主演的英皇电影《阿妈有咗第二个》昨晚（10日）举行首映礼。虽然两位主角继续停工，但姜涛歌迷会依然号召粉丝到首映礼支持。二人粉丝跻满商场3层，姜糖更拿着灯牌大叫偶像角色名字，隔空“传情”支持姜涛。而姜涛虽然未有现身，但亦有收到“姜糖”心意，亲自于社交网转发后援会拍下的现场片段，并留言答谢：“谢谢你们，辛苦了。”

戏中扮演“Jer妈”的影后毛舜筠，职场上的身份是经理人，力捧“新歌手”姜涛上位。谈到与“两个仔”的感情，她透露：“当初导演睇中姜涛，嗰时我仲唔知佢系边个，后来追睇返佢参赛时嘅表现，真系觉得呢个人非常之吸引，搞到我都好锺意佢。后来我有参与试镜拣蜶，喺好多人中选出同样好有魅力嘅Jer。”

另外，任达华与卫诗雅以嘉宾身份撑场。谈到有份参与电影《七人乐队》的拍摄，任达华坦言：“好好彩有份执导嘅7个导演，我都合作过，觉得自己相当幸运，希望喺10年或20年之后，会再涌现一啲新导演，我可以继续同佢哋合作。其实每个行业都要有承传，新导演都要继续坚持自己。”他负责参演已故林岭东执导的部分：“当然依家睇返套戏都有啲伤感，佢（林岭东）唔锺意住喺香港，所以成日周围飞，但原来佢心底都好有香港情怀，个心依然留喺呢度。”

至于早前到新西兰旅行的卫诗雅，充电后精神饱满。她表示：“虽然去咗7日，但扣除搭飞机嘅时间，实质上玩咗4日半。机场见到冇乜人觉得好落寞，我喺新西兰着住厚褛，但望出车外竟然有个女仔只系着背心！”卫诗雅又透露近日忙于搬屋：“因为我住紧嘅地方比较细，所以决定将佢放租，然后我喺出边租住一间面积大啲嘅单位。（唔再同陈家乐做邻居？）佢千祈唔好再搬近我，不过佢就嚟结婚，可能都会搬新屋筑爱巢。”