陈凯琳(Grace)在中环街市出席身兼监制与主持的明珠台节目《Love Matters with Grace 》“爱 •嘉年华”活动。Grace细佬Derek早前被指与爸爸不似样,惹来林作挑机出千万求验DNA,引发连串风波。节目其中一集Grace会请来细佬分享在网上结识异性的经历,因他与太太正是从网上认识,讲到已经移民加拿大弟弟近况,她笑言因每日也会通电话,所以也没有特别挂念,细佬现正放假休息也未开始搵工。
​讲到经过“验DNA风波”Derek心情是否平伏?她说:“嗰件事发生嘅时候佢都OK,佢都识谂嘅。(告一段落?)都冇谂咁多,唔需要再攞出嚟讲。(Derek嗰集出街再惹林作攻击?)我谂呢个访问出街都会引起佢讲啲嘢,佢都有自由去讲同出post,自己都有呢个准备,希望佢做呢件事心态都只系娱乐吓。(有冇谂过验DNA验明正身?)唔会。呢件事都告一段落,唔会再谂,唔会再讲。”Grace今次与林肯联合监制节目,要为节目兼前顾后,在节目中与朱千雪谈到婚姻,她亦有分享与老公郑嘉颖的经历,问到为甚么不请嘉颖做嘉宾?她说:“迟啲先,我惊一齐做节目会好多爆肚。”
|