歌手吴浩康(Deep)太太郭思琳在社交网分享其怀孕写真,模特儿出身的她穿上白色花纹透视长裙,上围因为怀孕而升Cup,但她得天独厚,手脚纤瘦,被封做最美孕母。思琳透露当日他们在沙头角一个营地拍摄:“所有造型同装饰都有团队帮我哋安排晒,嗰日都算影得好快手,3个造型连埋化妆整头,用咗5粒钟搞掂。”
她大爆拍摄当日最难忘是老公没裤穿,她笑说:“因为服装赞助之前同过Deep合作过,但系Deep呢排爱上健身,啲尺寸已经唔同晒,但服装嗰边竟然照用番佢之前嘅尺码,搞到嗰日佢冇裤着,只可以着番自己啲衫影。”成个孕期她约了3个摄影师影孕照,但当日这辑相在外景高达35度下拍摄,她笑说:“又热又多昆虫又要赤脚行石滩,佢影完一个造型已经由头湿到脚趾尾,佢都冇怨言,我系劲感动嘅,所以第3辑我自动帮佢推咗,唔敢再打扰佢喇。”
之前她不时见晕不适:“最近OK,都减少出街喇,因为感觉身体弱咗,之前同朋友行BB展试过头晕眼花,要即刻搵老公接我走,可能关贫血事,我缺铁要日日饮铁水,嗰日赶时间唔记得饮铁水先出门口。”下月就临盆,她承认心情好紧张,她说:“Deep一定要入产房陪我,死都捉埋佢入去,我唔想孤军作战。”​
|