炎明熹势创新人奖大满贯佳绩 先玩四眼Look派福利

etin

“声梦人气王”炎明熹(Gigi）参与综艺节目《声生不息》走红，不过回港后依然气势强劲，于今晚（24日）举行的《香港金曲颁奖典礼2021/2022》，新人奖势必成其囊中物，加上之前已于《叱咤》和《新城》夺得新人奖，故预告将成为新人奖大满贯。

​对此，Gigi现身彩排时腼腆表示：“咁睇得起我？（依家心情紧张？）紧张，双手出晒汗，我真系会努力，大家对我嘅期望，我会加油！（想唔想同Chantel（姚焯菲）一齐攞奖？）梗系想一齐啦！我会协力做好每件事，不过我哋仲未见到面，应该一阵会见到，反而Windy同Yumi寻日见咗，Windy仲好热情揽住我。”

以粗黑框眼镜Look上阵的她，戴了渔夫帽及口罩后，根本认不出来，问到是否素颜所致？Gigi笑说：“我有化眼妆，系因为呢副眼镜好特别，冇度数嘅，又冇真正畀大家见到我呢个四眼妹样，所以今日畀大家睇吓。”

而泳儿对于Gigi将成为新人奖大满贯，大赞对方叻女：“唔系好多歌手攞到新人奖大满贯㗎！我哋真系好耐冇见，不过我有留意佢喺节目嘅演出，做得好好，愈嚟愈驾驭到个舞台，但私下嘅你仲系妹妹咁，性格好好。”谈到早前出席ViuTV音乐颁奖礼时性感上阵，问到明晚的战衣是否同样令人哗然？泳儿笑说：“我怕冻呀！我又唔系刻意性感，上次我都唔觉得好性感，只系条裙设计方面好唔正常，我系会拣啲奇怪嘢，听晚总之会有睇头啦，唔一定系性感，性感都唔代表一定最好。”