张曦雯打机世界训练无数 拍剧实践做女枪神

etin

无綫花旦张曦雯（Kelly）去年美国探亲返港后便投入剧集《破毒强人》拍摄，唔经唔觉已有7个月，期间因疫情停工大半个月，幸日前终于宣布煞科，可稍作休息。回忆这段拍摄日子，Kelly坦言虽然过程很长，但由于拍摄班底曾于《白色强人II》合作过，所以大伙儿合作愉快，更说：“陈豪同胡定欣之前喺《白II》合作过，已经有晒默契，但剧入面见得最多系萧正楠，同佢首次合作都好开心，加上成套剧个个都专业，好想做好件事，所以时间过得好快。”

​以往多演女性化角色的她，今次挑战自己演硬朗型，以短发造型示人之馀，还要应付连串动作场面，笑言绝对冇难度：“一直好想拍动作戏，本身有打开机，所以揸枪动作喺脑海已经有晒影象，知道点去摆会型同靓，即使去到一啲Crime Scene都知点去搜索，完全系得心应手，因为好似喺打机世界入面练习咗好多次咁。”虽然剧集煞科有得抖抖气，但Kelly同时间也要为下月尾开拍的新剧《陌路枕边人》做准备，问到会否趁机把昔日的女神秀发留长，她笑说：“头发冇得咁快长，会Keep住长少少，其实我好锺意依家呢个长度，除咗多啲造型可以玩，吹头又好快乾。”