廖慧仪成功解冻 工作接踵而来：感觉好实在

etin

“狂野空姐”廖慧仪前年年尾因旧爱Sam（张家俊）疑为情所困堕楼身亡，令佢形象直插水兼被雪藏，佢自己都开设瑜伽教室做导师。事隔2年，似乎公司肯亦逐步解冻，年初佢就为节目《流行都市》做星级教练教瑜伽，回归幕前，早前并扮靓出席周年庆典节目巡礼2022，依家更喺限时动态分享新工作，宣布正式加入无綫娱乐新闻台做主播，仲入厂坐正主播枱，明显上位：“正式加入E-news，请各位多多指教。”

廖慧仪接受访问，问到解冻一事，她说：“好开心公司比机会自己，同埋都好感谢经理人、屋企人同朋友一直都好支持我出返嚟幕前工作。都收到好多朋友DM我话成日都有睇我喺《流行都市》教瑜伽。”至于担任主播的感受？她说：“感觉好实在，好有‘返工’嘅感觉，因为好多都系好实际嘅工作，例如要几点写好稿、读稿、入厂录影等等。但相反平时拍嘢系比较少返公司。好开心可以识到新同事，有机会向前辈学习。每次返工都会part住一位前辈，佢地做嘢好快讲嘢语速非常快，平时做开瑜伽节奏慢啲嘅我一开始要时间适应。新同事都好好会教我点做好啲。几中意做主播，可以练习到口才、练咬字，对之后嘅发展好大帮助。”

​

她坦言之前比较少留意娱乐新闻，但依家留意多了，她说：“八卦同好奇心大咗。睇嘅时候会学吓人地点写稿，同埋尽量认到每一位艺人同佢地嘅名。依加每次录完返屋企都会睇返自己表现如何。（会唔会好紧张？）一时时，大多数时候都系淡定嘅，因为系用母语广东话去讲会轻松啲，同埋暂时因为疫情都系录影唔系直播，所以都唔会太紧张。”她透露刚刚开始，内部同事安排她做厂，暂不需要外景拍摄。除了主播工作外，她透露刚刚完成J2台一个煮食节目，现在拍紧一个行山节目，迟些会有一些talk show。