拜金蔡嘉欣晒水着不忘炫富 有米乐宜转玩贴地取胜

etin

踏入夏季，不少女星已急不及待大晒水着Look大派福利，巧合地两位同样因为纹身出晒名嘅女星同日喺社交网甫出火辣泳衣相，隔空对撼。首先出场嘅有自称“拜金KOL”嘅前港姐蔡嘉欣，当年因为孭住纹身选港姐而成为全城热话，但今次就着上一件头湖水绿泳衣，完全遮住招牌纹身，最令人惊喜嘅，系两侧腰间绑带设计，开窿露纤腰，认真火辣！与此同时，佢连派福利都富贵过人，去到酒店泳池，坐喺池边嘅长椅上晒太阳，配搭身后嘅无敌大海景，靓人靓景相当吸睛。

至于另一位纹身女，就系“网络女神”乐宜，以浅黄色比坚尼上阵嘅佢就大方得多，劲骚有料身材，而且并冇遮遮掩掩，反而多角度展示腰间延伸至大髀嘅花型纹身，充满艺术美感！而同样生活富贵、有个富二代男友嘅佢，未有去到贵价酒店，反而行低调路线，拣去沙滩，无论性感程度抑或贴地程度，似乎都略胜蔡嘉欣一筹！