生肖属虎的菊梓乔(Hana)今年犯太岁,她听从师傅指点走去箍牙,她说:“佢话牙齿整洁运程都会好啲,我本身好多爆牙,又唔想整假牙,同牙医倾过咪箍牙,咁牙齿整齐对健康都系好事。”她要箍400多日,除了一日三餐,每日要戴22小时,她坦言最初箍牙时肌肉同头扯到好痛,她说:“个人又忟,头两日瘦到不似人形,块面似切扁咗。”Hana笑言不怕被人话整容:“2日削到咁好喎!我都觉得太瘦唔好睇,所以之后习惯咗已逼自己食番多啲嘢。”
疫情下Hana经常钻研食谱,更想过做外卖速递,锺意打边炉的她最叻整黄醉鸡汤底,她说:“一、两人分量好难整,所以我一煮就煮好多,然后速递畀朋友试食。”可有送畀绯闻男友吴卓羲(Ron)?她笑说:“冇喎,我谂佢唔锺意食。(你要请人食?)佢有要求,通常畀好close嘅朋友。(即系佢唔close?)佢大把嘢食啦。”虽然对方冇试过她的手势,但似乎她对Ron的口味好清楚:“佢哋呢啲演员对饮食好执着,我好怕啰,唔食呢样唔食嗰样,我本身食得好肥腻好重口味,费事累啲要keep嘅朋友。”
​Hana自爆已肥到过百磅,条腰由21吋变了25吋,上围同下围有肥吗?她笑说:“紧系有,全身肥,个身有肉地,好彩啲裤仲啱着,净系块面唔肥啰。”她直认自己食得好夸张,又好零食同甜品,加上又冇得做运动,所以真的肥了,她希望4月底健康身能重开,她会上堂学番打拳,最近她在家中爱上睇摔角,她笑说:“我迷上咗一个日本摔角界明星,女仔嚟好靓,佢有林志玲称号,我都好想学、想玩,第时睇吓有冇机会玩吓。”
|