周嘉洛走在潮流尖端成“掌掴界始祖”

etin

“出炉影帝”韦史密夫（Will Smith）于《奥斯卡金像奖》舞台上怒掴基斯洛克（Chris Rock）一幕成全城热话，唔少网民即“抽水”整成恶搞图片，更翻出昔日有唔少经典公开掌掴场面，真系“一地花生”。昨日艺人陈滢就喺社交网晒出去年同绯闻男友周嘉洛拍摄剧集《痞子殿下》时嘅幕后花絮片，原来佢哋埋位前喺化妆间玩得非常忘形，其中JW更借位作势怒掴周嘉洛，无论角度、动作、手势及企位，都似足韦史密夫！陈滢即留言笑指原来一早掌握咗潮流，而周嘉洛就表示JW真系出尽奶力掴佢，相当搞笑。其实周嘉洛早喺“掌掴界”占一席位，佢拍摄处境剧《爱‧回家之开心速递》时，曾被剧中阿妈“熊尚善”滕丽名狂掴14巴，掴到面都红晒，非常专业。