林峯一家三口享天伦 竟惹积极备孕二胎揣测

etin

艺人林峯与老婆张馨月及囡囡“格格”一家三口生活幸福，早前张馨月做“跟得老婆”，带埋囡囡回港陪伴开工嘅老公，并趁空档时不时全家出动享天伦，昨日张馨月喺社交网分享新相，见佢哋去到山顶睇海景，两公婆轮流抱住囡囡，相当温馨，之后佢哋再去到超市扫货，见1岁多大嘅“格格”发育良好，已经有两层货架咁高，佢仲手执薯片，似乎扭爸爸买零食，非常可爱。另外，林峯近日宣传新歌时透露，因疫情令佢同老婆嘅婚礼一直延期，希望待疫情缓和于自己及老婆嘅乡下举行两场婚礼，更直言有计划今再追第二胎，而今次张馨月甫出日常家庭照，即引起网民热议，估计佢哋正在备孕，期待早日官宣好消息。