伍允龙首谈与锺嘉欣8年情遭打压 呻爆：伤害喺我度

etin

艺人伍允龙、安志杰亮相无綫节目《诸朋好友》，两人谈到过去一些难忘的感情经历，安志杰直言一直都好努力工作，但有段时间只会被人称呼某某男友，令他感到非常无奈，明显讲紧当年同谢婷婷拍拖时的经历，伍允龙听到老友这个经历，非常之有共鸣，曾跟锺嘉欣拍拖的他，指自己的经历比安志杰更辛苦，同样试过“某某男友”的日子，伍允龙谓：“当年我成日俾人叫茄喱啡、奀星，但其实我主演过电影，拍咗好多戏亦都好努力去做，好似拍《赌城风云》咁，一个镜头被车撞，我撞咗成25次，又试过从一楼跳落嚟，差啲断脚，但都冇人知，我唔系投诉，只系唔明白点解焦点会放喺地位分别上，同埋同边个拍拖。（咁多负面影响点解唔放弃段感情？）其实Ok，开心嘅。只系对方喺工作上嘅问题，要收埋我少少，我Ok嘅。（你觉得电视台畀咗压力你哋？）佢个方面啦，因为工作要收埋我，相信佢方方面有啲压力，咁我明㗎，当时佢好红，但我系无名小卒，我明白嘅，不过就觉得过分咗去做呢件事，变咗个伤害喺我度。”

​他还指自己从没提过这事，今次第一次讲，亦指自己有不满同不开心。主持崔建邦更爆曾同伍允龙倾偈，对方曾扬言一定要拍TVB剧，是否因为这段“被收藏”的恋情？伍允龙承认确不服气：“系唔忿气，但长大咗，过咗去喇，咁啱当时TVB有几部剧搵我，但我经理人觉得唔适合推咗。”幸好之后遇到剧集《城寨英雄》，亦令伍允龙成功入屋，由初初负评“样子奇怪”到后来获赞做得好，都可算吐气扬眉。